Jeevan ki Vidambana

Soch rahi hai kalam, kahan se kare shuruat,
haal bayan karne ko ab nahi bache alfaaz.
Aakhon mein tha dard,hoto mein tha kampan,
Soch raha tha bas itna ki kaisa hoga iska jeevan.

Chaar paise nahi the, khud ki dava karne ko
Kaise paalega bechara, apne beevi baccho ko.

Mila mujhse maangi madad,
Karta kya main beadab.

Sau rupey the jeb mein, vo to usko de diye,
par kya maine uske , saare dard bhar diye.

Ya khuda, kyon hai aisi teri duniya,
Jahan insaano ko kapda naseeb nahi,
rehne ko ghar do waqt ki roti naseeb nahi.
Farmaish hai bas itni ki ye jeevan unke liye bita doon,
shayad aise hi kisi ek ka ghar saja doon.

Sajda karoonga tera, poori jindagi bhar,
Ehsaan maanoonga tera, apne marte dam tak.
Bas yahi iccha hai ab ki unke liye jiyoon,
aur jeevan ki antim saas bhi unhi ke naam kar doon!!!!!

Pyaar

Pyaar, jahan tumhara sab kuch doosre vaale ka ho jaata hai,
jab tumhari soch mein bas vo hi bas jaata hai,
jab apne se pehle khyaal uska aata hai,
bin uske ye jeevan bekaar najar aata hai.
Uski buri cheej bhi jab pyaari lagne lage,
saari duniya uske aage bechari lagne lage,
baat karne ko usse jab har pal man chahe,
samajho pyaar mein tera dil dooba hai pyaare.